TAREFAS 2ºA/B SEMANA 14 AO 17 ABRIL

Bonjour!

Xa estamos rematando os contidos relacionados coa Alimentación e a Pirámide alimentaria!
Moi relacionado cos partitivos, está o pronome en, que como veredes se emprega maiormente para substituír a un alimento, obxecto ou lugar, introducido por de, de la, du, de l´ou des.

Achego un video e un documento explicativo para que poidades completar unha ficha na que deberedes responder a sete preguntas de maneira afirmativa e negativa, segundo o modelo. Teredes que introducir o pronome en como substituto dun nome xa mencionado na interrogación.

A segunga actividade desta semana pretende convertervos nuns profesionais dos "crêpes". Aínda que me gustaría disfrutar con vós desta tarefa en persoa, anímovos a que enviedes imaxes cociñando estes coñecidos doces franceses. Podedes seguir a receita que inclúo pero aprtando o voso toque persoal.

Ánimo mes pâtissiers!

https://www.youtube.com/watch?v=7RWB0-4KanU

 

CORRECCIÓNS 2ºA/B SEMANA MARZO AO 03 ABRIL

Salut mes élèves!
Comment étaient les vacances ?

Achego as correccións das tarefas da última semana para que as revisedes e autocorrixades e gardedes logo co voso material da aula.

TAREFAS 1ºA/B SEMANA 14 AO 17 ABRIL

Bonjour!
Tal e como vos indiquei na entrada anterior, esta semana imos continuar co vocabulario dos animais. Achego unha ficha que deberedes completar coa tradución correspondente, a maior parte deste vocabulario xa o traballastes nas sopas de letras, así que agardo vos sexa familiar.

Como puidestes ler no encabezado da anterior actividade, aparece a palabra "animaux", que se corresponde con animais. Precisamente, o plural é do que imos tratar a continuación. Para axudarvos con esta revisión do plural de adxectivos e femininos, inclúo un documento explicativo e uns posteriores exercicios.  Na primeira ficha deberedes completar coa forma singular ou plural que falte, na parte superior dos recadros está a palabra en singular e na inferior en plural; e na segunda ficha poñer os substantivos (simples ou compostos) e os artigos que os acompañan en plural.  Lede con atención e ante calquera dúbida contades co meu correo para que sexa aclarada.

Moito ánimo, que xa sodes uns profesionais da aula virtual. Biquiños.

 

 

CORRECCIÓNS 1ºA/B SEMANA 30 MARZO AO 03 ABRIL

Salut mes élèves!
Comment étaient les vacances ?

Achego a corrección da canción Le lion est mort ce soir da  última semana para que a revisedes e autocorrixades; e gardedes logo co voso material da aula. Co vocabulario das sopas de letras imos seguir traballando cunha tarefa que vos propoño para esta semana.

SALUT!

Ola meus nenos e nenas,

Quería agradecervos o traballo e esforzo de todos estes días; cunha situación nova e complexa para todos nós, pero á que estades a responder xenial.

Vexo que seguides enviando tarefas que tedes pendentes e nestes días que veñen podedes facelo igualmente.

Desexo que descansedes e disfrutedes ao máximo en compaña das vosas familias que tamén vos están a coidar e a apoiar en todo o que poden e facendo moitos esforzos.

Moitos bicos e agardo de corazón poder vervos axiña e disfrutar da vosa compaña.

Je vous embrasse

TAREFAS 2ºA/B SEMANA 30 MARZO AO 03 ABRIL

Salut mes élèves!

Bo día nenos, coñecedes o libro O Principiño (1943) de Antoine de Saint-Exupéry? Achego a escea dunha película de animación que se baseou nesta recoñecida peza literaria.

Vede e escoitade con atención para responder brevemente as cuestións que vos plantexo.

https://www.youtube.com/watch?v=cjr2aaZpABo&t=31s

Para continuar, ides escoitar unha canción que forma parte da banda sonora do filme do que falamos. Titulase J´ai dans le coeur. Deberedes completar a letra coas palabras que falten. E igual que coa escea, poderedes escoitala tantas veces como necesitedes.

Lembrade ir facendo e entregando as actividades ata o venres.

Moito ánimos meus nenos, que se vos bota moito en falta.

https://www.youtube.com/watch?v=DQ_IVxK-3dk

 

CORRECCIÓNS 2ºA/B SEMANA 23 AO 27 MARZO

Bonjour!
Achego as correccións das tarefas da semana pasada para que as revisedes e autocorrixades e gardedes logo co voso material da aula.

Aí van: